كرســــــي الاعتـــــراااااااااف

السلام عليكم ورحمة الله وبركاته .

دى لعبة موجودة فى احدى المنتديات اللى مشارك فيها واحلى حاجة انى هلعبها مع الناس اللى بحبهم جدا .
اللعبة فرصة كويسه علشان نتعرف على شخصية الاعضاء الموجوده معانا بشكل اكبر ونتعرف على جوانب حياته .
وقواعدها ان اتنين من الاعضاء بيرشحوا شخص يتم اختياره ليكون موجود بالكرسى ولمدة 3 ايام فقط ليرد على الاسئلة التى توجه اليه وبعده نختار عضو اخر .
على ان لا يوجه العضو السائل اكثر من 3 اسئلة فى كل مشاركة ومن حق الجالس على الكرسى ان لا يجيب على السؤال الذى لا يراه مناسبا فبالتوفيق واياكم حد يختارنى .
انا هبدأ واختار الاستاذ محمود حماده مين موافق معايا علشان يجلس على كرسى الاعتراف .
ارجوا لكم المتعه والوقت الطيب النافع .
احبكم فى الله .......

خاطرة :
اذا كنت بين اخوانك وسألوك فاجيب
فانت بالطبع فى القلب واغلى حبيب .......

فكرة ممتاز وجرئية وجديدة بينا كمان
وهي مغامرة وياريت نخوضها
وانا معاك في اختيار محمود ابو حمادة
_________________

السلام عليكم ورحمة الله وبركاته .

كده يبقى الاستاذ محمود حماده اصبح بقدرة قادر على كرسى الاعترافات .
ربنا يستر ويسلم انا هبدا ولله الامر .
س1 الاسم بالكامل كما جاء فى البطاقة الشخصية ؟
س2 ما هو طموحاتك للمنتدى ؟
س3 لماذا قمت بانشاء ذلك المنتدى والغرض منه ؟
فى انتظار الاجابة وانت ضيف على الكرسى الى يوم الخميس ان شاء الله .
احبكم فى الله .......

خاطرة :
الدنيا كما تدين تدان
اليوم سائل وغدا مدان
ربنا يستر

على من يرغب بالأسئلة فليتفضل فأنا جاهز بإذن الله

ولكم جزيل الشكر......

_________________

طيب ما دام محمود هو المسئول
انا اسئلي كالتالي
س1
ماهي افضل أمنيه تمنيتها وهل تحققت ام لا ؟؟؟
س2
ده سؤال محرج هل الاستاذ محمود بيفكر في الجواز المبكر ؟؟ ولا بيقولو لسه بدري؟؟؟
س3
من هو الشيخ الذي اذا سمعت منه اطعته في هذا العصر ؟؟؟؟

_________________

1- احسن موقف حصلك فى حياتك وانت مكنتش مستعدله واوحش موقف انت مريت بيه ومكنتش تتوقعه
2- ماهو هدفك القادم الذى تتمنى ان تحققه فى اقرب وقت
3-حط لنفسك سؤال وجاوب عليه
_________________

مع خالص تحــــــياتى
الفرعون المصرى
محمــــــــــد حمـــــــــــــــادة

لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك يوما عطراً جميلاً

السلام عليكم ورحمة الله وبركاته

اسمحوا لى اكون معاكم فى اللعبه الجميله دى

واحب اسأل الاخ محمود حماده واقوله

س1 ما هو اغرب موقف حصل لك او حصل امامك؟
س2 ماهى نظرتك نحو مستقبلك ومستقبل قريتنا العزيزة؟
س3 ماهو رأيك فى الدراسه داخل جامعه الازهر؟
_________________

من السهل ان تصنع 1000 صديق فى سنه
ولكن من الصعب ان تصنع صديق ل1000 سنه
**********
سوق الصحاب انواع فيهم اللى خان وباع
اما الاصيل انا عارفه(oka) عمره مايكون بياع

The dentist / Osama Abo Salah

السلام عليكم ورحمة الله وبركاته .

توضيح مهم اسف نسيت اوضحه فى لعبة كرسى الاعتراف .
المفترض الاستاذ محمود هيرد على الاسئله اول بأول مش جملة واحده .
لان عندنا اسئلة تانيه كتير عايزين نقولها .
وكمان علشان ميخدش وقت زميل اخر الى ان ينتهى من الردود اللى هتكون كتير كده
وكمان علشان اللعبة ما تفقدش اثارتها .
يعنى حضرتك تجاوب اول بأول ومن حق اى عضو يسال تانى وللمرة الالف مادام ملتزم فى كل مرة بـ 3 اسئلة وكمان لسه فى مدة بقائك على الكرسى .
ويوم الخميس ان شاء الله حضرتك هترشح واحد خلف لك للجلوس على الكرسى ولا يبدا جلوسه الا عندما يوافق عضو اخر على اختيارك .
اتمنى اكون قدرت اوصل المعنى .

خاطرة :
محاولات ذكية من البج بوص للهروب من الاسئلة
ولكن هتروح فين هتعترف هتعترف
_________________

س1: الاسم بالكامل كما جاء فى البطاقة الشخصية ؟
ج1 : محمود احمد محمد احمد سعد حماده
(زياده عن الموجود فى البطاقة )

س2 ما هو طموحاتك للمنتدى ؟
ج2 : طموحاتى للمنتدى كثيرة جدا !
1- على الأقل ، الاستمرار.
2- الرقي به بوجه عام ! وهذا بجهودكم كأعضاء وأعمده لهذا المنتدى مع مشرفيه ومراقبيه.
3- انمنى انه يتطور ويزيد اعضائه ويصير مشهور فى كل مكان.
4-وان يتم قراءة ما يكتب داخل المنتديات وليس المهم كمية الطرح.
5- وأن تسود المحبة بين جميع الأعضاء والمشرفين وغيرهم وأن يكون إبداء الآراء بكل روح رياضية و كل حيادية.
6- الخ......... لعدم الاطالة .

س3 لماذا قمت بانشاء ذلك المنتدى والغرض منه ؟
ج3 : اعتقد اني انشئت االمنتدى في البداية بغرض التسلية ومعرفة كيفية انشاء منتدى
- بعدما عرفت كيف أنشئ المنتدى ففكرت فى جعله من أجل خدمة أبناء قريتى العزيزه وجمع الشباب مع بعضهم
- ففكرت أن يكون المنتدى لخدمة المستخدم من النواحي التعليمية والثقافية ففكرت أن اخطط له ليصبح كموسوعة كاملة من المعلومات وذلك بجهودكم طبعا .

ودى إجابة أسئلة العم خالد العطــــــــــــار ، أشكره من كل قلبى.......

_________________

س1 ماهي افضل أمنيه تمنيتها وهل تحققت ام لا ؟؟؟
الاماني كثير ولكن ما تحقق منها قليل /
الامنية التي اتذكرها وتحققت هى : خرجت من الكلية وأنا بتقدير تراكمى( جيد جدا) .
ولكن هناك أمنية لو تحققت ان شاء الله لحمدت الله ليل نهار حمدا وشكرا على فضله (ملاحظه _ من غير الأمانى فالله نعمه لاتحصى ولا تعد فنحمده سبحانه ونشكره فى كل لحظه فى حياتنا.

س2 ده سؤال محرج هل الاستاذ محمود بيفكر في الجواز المبكر ؟؟ ولا بيقولو لسه بدري؟؟؟
sunny

أكيد كل انسان فينا نفسه يكمل نصف دينه بس أنا مش باافكر فى الزواج ، إلا لمـــا أشتغل وأكون قادر على متطلبات الزواج

س3من هو الشيخ الذي اذا سمعت منه اطعته في هذا العصر ؟؟؟؟
cyclops

كل شيخ يقول الحق فأنا أتبعه (بس والله أنا تأثرت الى حد مــا بالشيخ الحبيب علي زين العابدين الجفري )

ودي إجابه لأسئلتك ياأستاذ/ عمــــــاد
ولك أيضا كل الشكر والحب
_________________

أصبت
وأحسنت
ورزقك الله بزوجة صالحة تكون لك قرة عين فإذا نظرت اليها سرتك
فذكرت الله فشكرته عليها
_________________

السلام عليكم ورحمة الله وبركاته .

كنت اعتقد ان الاثارة هتكون فى تكملة اللعبة .
انما واضح ان الاثارة فى ردودك نفسها يا استاذ محمود .
اتمنى لك كل خير وللمنتدى كل رقى وتقدم .

خاطرة :
كل منا بداخله بلا شك عقلا ولو محدودا
ولكن ليس كل منا بداخله قلب يستطيع به الاحساس وامتلاك حب الاخريين
_________________

1- احسن موقف حصلك فى حياتك وانت مكنتش مستعدله واوحش موقف انت مريت بيه ومكنتش تتوقعه
Laughing

أحسن موقف :
فيه دكتور اسمه رضا كنت باتمنى انه ينادى عليا مش يعرف اسمى ، الكلام ده فى سنه أولى كليه , ولكن فى سنه رابعه وجدته يصاحبنى وبيدلعنى ويقولى ياحوده وابتديت معاااااااااه كأنى دكتور مثله فكان هذا شيئا ممتعا.

:evil: أوحش موقف:
ان أم واحد صديقى أو نسميه زميلى لاداعى لذكر اسمه واحد جاب له نتيجته وقال له انت نجحت ذهب فرحان ووزع حاجه ساقعه لجيران وأصحابه وهو فرحان ولكن حدث مالم يكن يتوقعه عندما ظهرت النتيجة رسميا على شبكة الانترنت بعد أسبوع واحد من توزيع الحاجة الساقعة بالصدفه والله بااضرب رقم جلوسه وجدته شايل 7 مواااد أى راسب فقلت لابن عمه وهو اسمه محمد عفيفى صلاح قلت له يامحمد روح قول لابن عمك يروح يشوف نتيجته فى الكليه أحسن مايتفاجئ بالنتيجة عندما يذهب للكليه فراح محمد عفيفى يقوله دا محمود أحمد بيقول انك رسبت فجائت أمه عندنا فى المنزل وقعدت تصرخ بكل ما أوتيت من قوه وتقولى ان كنت فاكر انك عندك شقه _ فابنى عنده شقه الى غير ذلك وقالت لو انت مفكر نفسك انك ممكن تكون مهندس احنا عندنا المهندسين والدكاتره وان كنت عندك كمبيوتر هاجيب للولد كمبيوتر وابقى قابلنى ان نجحت والكلام ده منذ عامين ( أنا أسف طولت عليكم )
2- ماهو هدفك القادم الذى تتمنى ان تحققه فى اقرب وقت
drunken

أن أكمل دراستى وأحصل على الدكتوراه

3-حط لنفسك سؤال وجاوب عليه
س نفسك تشتغل فين ؟
ج نفسى أشتغل فى شركة بترول بلاعيم وأصبح أكبر مستكشف للبترول فى الشرق الأوسط .

وشكرا لك أخى العزيز محمد
_________________

س1 ما هو اغرب موقف حصل لك او حصل امامك؟
سلمت على واحد واخدته بالحضن فى الكلية باحسبه واحد انا أعرفه اتلخبط يعنى بس كان موقف غريب اوى

س2 ماهى نظرتك نحو مستقبلك ومستقبل قريتنا العزيزة؟
المستقبل بيد الله ولكن ان شاء الله انا متفائل دائما أن يوفقنى الله وأحقق مااسعى اليه

س3 ماهو رأيك فى الدراسه داخل جامعه الازهر؟
ممتعه جدا من وجهة نظرى

ولك منى أيضا يادكتور أسامه جزيل الشكر والمحبه
_________________

كلام جميل جدا ورد ولا أروع اتمنى لك التوفيق من كل قلبى وتحقيق كل امانيك ان شاء الله
_________________

مع خالص تحــــــياتى
الفرعون المصرى
محمــــــــــد حمـــــــــــــــادة

لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك يوما عطراً جميلاً

كل عضو هيجلس علي الكرسي هيكون له مشاركة جديده
وموضوع جديد

_________________

كم مسابقة حصلت عليها فى القرآن الكريم ؟

عرفنا محمود الإنسان فكيف نعرف محمود القارىء ؟ وأمام من يشتد للقراءة " قراءة القرآن الكريم "؟

أشد الأصدقاء وفاء بك ووفاء له ؟

تحياتى لك دائما بدوام التوفيق والفلاح

محمد عبدالشافى

بصراحة يجماعه موضوع جميل جدا وتسمحولى اشترك فية واشكر اخويا وحبيبى وصديقى العزيز محمود على صراحتة لانة فعلا صريح جدا ودى شهادة منى له واكتر حاجة بعزها فى صداقتة انى اللى فى قلبه على لسانه
وياريت يا حودة تسمحلى اسئلك برضه
1- ما هى موصفاتك فى بنت الحلال؟
2- وهل انت حبيت ولا لا ؟
3- وهل لو لاقيت بنت الحلال والموصفات اللى انت بتتمناها تسرع بالزواج بها ولا لما تحقق اهدافك اولا؟
معلش يا حودة ياريت ترد بدون احراج زى ما انت عودتنا على الصراحة

موضوع: دروه انتهى الجمعة 07 سبتمبر 2007, 5:35 pm

يا جماعة للاسف وقت الاستاذ محمود خلص والاسئلة لسه كتير .

لكن متهيئلى ممكن نبقى نستضيفه تانى .
فالاستاذ محمود هيجاوب على اللى باقى من الاسئله ويرشح عضو اخر مكانه واى عضو يأكد على الاختيار يبقى على طول يبدا فى دوره واتمنى نختار الاستاذ محمود كمان مره محدش لحق يسال .
وشكرا .

السلام عليكم ورحمة الله وبركاته .

اوافق على رأى الاستاذ راجى فهى فعلا شروط اللعبة فعلى استاذنا محمود ان ينتهى من الاسئله ويختار عضوا يجعل لنا فى اسئلتنا له اثارة اكتر للموضوع .
اتمنى لكم التوفيق .

خاطرة :
كل سنه وانتم طيبين بدء التوقيت الشتوى وشهر رمضان الكريم على الابواب .
كل سنه وانتم اقرب الى الله وادوم على طاعته .
_________________

أختار الأستاذ/ عماد العسال

للجلوس على كرسي الاعتــــراف

اذا وافق أحد الأعضاء يقعد الأستاذ عمـــاد على كرسي الاعتراف

_________________

السلام عليكم ورحمة الله وبركاته .

موافقة بالاجماع طبعا على اختيار الاستاذ عماد ضيفا عزيزا على كرسى الاعتراف .
لكن بشرط !!!!
//////

////

////

هقولكم اهو على الشرط

طيب انزل كمان شويه

///

//

شكلكم زهقتوا
///
///

//
طيب خلاص هقولكم على الشرط لاحسن شايف واحد صاحبنا بدا يضايق

الاستاذ محمود يرد على اسئلة العضو شباب مصر والعضو مونى ده حقهم يا استاذنا ولا عايز تهرب من الاجابة

وبعدها مباشرة بناء على موافقة عضوين على اختيار الاستاذ عماد
هيكون هو الضيف التالى على الكرسى

والله يكون فى عونك من الاسئلة
welcome

خاطرة :
كلما بعدت عنكم وحشتونى ولما اتقابل معاكم توحشونى اكتر ward

كل سنه وانتم اقرب الى الله وادوم على طاعته
_________________

فعلا لازم يرد على اسئلتنا يا استاذ خالد
_________________

إِلَهِى كَيْفَ أَدْعُوكَ وَأَنَـــا عَاصِى
وَكَيْفَ لَا أَدْعُوكَ وَأَنْتَ كــَرِيم
محمــــــد فتحــــــى
Mohammed Fathy