رد: كرســــــي الاعتـــــراااااااااف

قبل ما ابدأ معكم رحلة الاجابه علي اسئلتكم

فانا ارحب بالدكتور / مجدي عبد المؤمن
فهو انسان في قمة الادب والاحترام

وعلي فكرة هو يعتبر اخ كبير لي ورئيس مجلس ادارة مركز شباب الحصة الذي كنت عضوا فيه قبل سفري
وبصراحه هو مثل اعلي لكل انسان وهو يحترم الصغير قبل الكبير
مرحبا به وكل عام وهو بخير

وشكرا لمدير المنتدي لانه اتاح لنا الفرصة لان نلتقي بهذه الشخصية المحترمة

ونبدأ الاجابات

نكمل مع الاخ مارو السؤوال رقم 3

س3:ما رأيك الشخصى فى الخيانة فى الحب؟

انا بصراحة كنت ناوي اكتب كتير في الموضوع ده لكن اعذروني لكثرة الاسئلة وحتي اتيح الفرصة لباقي الاعضاء في المشاركة ومعرفة كل شئ يدور بخاطرهم عني

رأي الشخصي في الخيانة

اولا ايه هيه الخيانة

لو نظرت حولك لتجد الخيانة في كل شئ

فمثلا افشاء سر صديق خيانه للصداقة

افشاء اسرار العمل خيانة لرب العمل

افشاء العلاقات الزوجية وعدم احترام الزوجة خيانة زوجية

فيه اشياء كثيرة لو دققت حولك ستجدها تعبر عن الخيانة

لكن اعتقد بالنسبة لك انت تقصد شئ معين وه خيانة البنت للولد او الحبيبة للحبيب

في هذه النقطة ان لا اسميها خيانة لانك ان احببت بصدق اكيد اي فعلا هيصدر عن محبوبتك تتجاهله ولا تحاول ان تلبسه ثوب الباطل ودائما تتلقي لها الاعذار

ومن الاخر علشان منطولش لو انت حبيتها بجد عمرك مل تقدر تصفها بالخيانة وتنسب ما حدث الي الظروف والزمن

ولو حضرتك تقصد شئ غير هذا انا تحت امرك
وشكرا علي اسئلتك الجميلة

مرحبا مرة اخري بالاخت ضي القمر
وسواء كنتي تعرفيني او تعرفي اختي فهذا شرف لي
وعلي فكرة من خلال اسئلتك عملت انك تعرفيني

وبصراحه اسئلتك جميلة جدا

-هل أنت تندم على تجربة السفر واذا كان نعم وهو ده الواضح من الكلام فما هو الحل البديل بالنسبة لحضرتك؟

مين قال ان نادم علي تجربة السفر انا قولت لو كنت فكرت ما كنت سافرت وذلك بسبب اني مختلط جدا بالناس وباصدقائي واهلي وفيه ناس كده لا يستطيعون البعد عن اهل بلدهم وانا من النوعيه هذه والغربة يا اخت ضي عن اهلك وناسك صعبة جدا ومبيحسش بيها الا المسافر فقط وكل انسان بيتمني يسافر واول لما يسافر يقول رجعوني تاني

لكن بالعكس السفر اضاف لي كثيرا جدا وحققت به ما لم استطيع تحقيقه في عشرات السنين في مصر

2_أكيد أى انسان بيستفيد من أى شئ يجد فى حياته فممكن تعرفنه اه هى الاستفادة؟
انتي قصدك اكثر شئ استفدت به في حياتي
والله فيه اشياء كثيرة جدا لاني عامة باستفاد بكل تجربة امر بها سواء بالعمل او ما امر به من مواقف في الحياة
فانا استفدت من دراستي واستفدت من مهنة المحاماة واضافت لي الكثير والكثير في شخصيتي وتعاملي مع الناس بصدق واخلاص وحب في الله قبل العمل واستفدت من المحاماه في كتمان اسرار الناس التي هيه امانة في عنقي واستفدت منها في ضبط النفس وقيمة الوقت
واستفدت من اصدقائي واتعلمت منهم كتير مش اي شئ طبعا ولكن اتعلمت منهم ما اريد ان اتعلمه فقط وبصراحة لا استطيع ان ارد جمايلهم
وبشكرهم كثيرا علي كل مواقفهم معي
واستفدت من سفري بالصبر
وطول ما الانسان عايش بيستفاد من الدنيا

3-هل تنوى أن تشتغل بالمؤهل بتاعك بعد العودة؟
انا فعلا اشتغلت هو انا لسه هشتغل انا اشتغلت في المحاماه 6 سنوات واكتسبت خبرة كبيرة جدا لدرجة انني الممت بكل القضايا وذلك بفضل اساتذتي الاستاذ / سعيد عبدالجليل والاستاذ / جال ابو نعمة والاستاذ/ سليم الشعراوي بالاضافة الي زميلي بالمكتب والاكثر من انهم اساتذتي فهم يخافون الله ويراعونه في عملهم وهذا من وسائل حبي في مهنه المحاماه ولكن في المحامه دائما تتعلم كل يوم اشياء جديدة لان بحرها واسع جدا

اما بالنسبة لعودتي بالعمل بالمحاماه لم لا واني احبها جدا وعلي فكرة هي مهنة شيقة جدا وممتعة
لكن بصراحه في دماغي التجارة باذن الله الي جانب المحاماه طبعا

4-هل هذا المنتدى هون عليك مرارة العمل فى الخارج ؟ وكيف تشعر وانت تقرأ ما يكتب؟

العمل بالخارج ليس مرارة بس هو واقع لان تعودنا في بلدنا ان العمل به تراخي ويوم الحكومة بسنة واللي ميتعملش اليوم يتعمل بكرة وناس بتهدر وقت العمل وناس جايبه بطاطس تأشرها في العمل وناس بتتسوق وناس بتقضي وقت العمل في الوقوف علي الطابونه تجيب عيش وناس بتروح العمل علشان تفطر بس
هقول ايه ولا ايه
لكن بالخارج وخاصة الخليج اذا دفعوا لك قرش تأكدي انهم ياخذون منك عمل اضعاف مضاعفه لكن اي انسان مصري يسافر بالخارج يصدم بالواقع الجديد لكن بعد كده بيتعود

اما بالنسبة للمنتدي فهو بصراحه نقلة حضرية لاهلي الحصة وبشعر به بالراحه واحس عندما اتجول داخل المنتدي واقرا من موضوعات انني جالس معكم ونتناقش وبصراحه لا يحسسني باي غربة
وانتي بتتحدثي عن العمل بالخارج كأنه مرارة
المرارة في الغربة فقط لكن العمل لا يمثل اي مرارة اطلاقا
وعلي فكرة هنا المصريين كثيرين جدا جدا ومعظمهم اهلوية
ورغم اني لا املك كثيرا من الوقت لكني اعمل وانام وامارس الرياضة لاني اظم وقتي جيدا والحمد لله

وشكرا لكي

والسلام عليكم ورحمة الله

وعليكم السلام ورحمة الله وبركاته

ومستني باقي اسئلتك يا ستي ضي

مرحبا باخي المهندس وليد

ما سبب نبرة الحزن الى ترتسم وتظهر فى اجاباتك على بعض الاسئلة؟

يمكن انت احسست هذا لكن لا يوجد نبرة حزن ولا شئ انت حسستني اني في ورطة
اجاباتي عادية وعادي جدا ولكن بعض الاسئلة موجهة لاشياء معينة ومحتاجة اجابات قاطعة
ويا سيدي اسئل اسئلة عامة وانا افطسك من الضحك

ما اهم الدروس النى تعلمتها من الغربة؟وهل تشعر بتغير فى طباعك نتيجةالحياة الجديدة عليك؟

تعلمت من غربتي الصبر وتعلمت الكمبيوتر والنت وبرامج كتير لم اكن اعلمها وذلك لانقطاع صلتي بالكمبيوتر بمصر لعدم امتلاكي جهاز كمبيوتر وتعلمت الصحافة وطرق كتابة الموضوع والحوار وكيفية السبق للحصول علي الخبر وتعلمت ان كل شئ هنا بالنظام والاحترام والدين وهنا ياجماعه البلد مهتمية بالدين الاسلامي جدا جدا والمجتمع هنا مجتمع قبلي بمعني الكلمة في كل تعاملاته
اما بالنسبة للطباع انا الحمد لله لم اتغير نهائيا ولكن الحياة الجديدة اضافت الي احمد سليم ايجابيات كثيرة ولم تؤثر بالسلب

لو اتيحت لك الفرصة اختيار عمل قيادى ماذا تحب ان يكون؟وماذا تريد ان تفعل به؟

انا لا احب العمل القيادي لانه مسؤولية كبيرة يحاسبنا بها الله وخاصة في هذا الزمن اللي بيمسك منصب يعتقد انه امتلك الدنيا كلها ولا يفكر بالناس وكله همه راحة باله هو وكيفية تخزين المال قبل زوال المنصب
ولكن لو اتيحت لي الفرصة لذلك اتمني ان اكون باي عمل قيادي يخدم الناس ويخدم بلدي وخاصة اننا ينقصنا اشياء كثيرة جدا واتمني ان اي مسؤول من قريتنا ينظر الي بلدنا قبل ان يخدم الغير

( كل راعا مسؤول عن رعيتة ) والحدق يفهم

شكرا علي تسجيلك معي يا ميدو وان شاء الله اقدر اجاوب علي اسئلتك

س1/ ما هى الحكمة التى لا تنساه وتعتبرها اغلى حكمة عرفتها ومتاثر بيها وبتحاول تطبقها دايما ؟؟

ج / فيه حكم كثيرة لكن الحكمه التي تلازمني
اذا كان الكذب ينجي فالصدق اولي ان ينجي
وده لان الانسان كتير بيتعرض لمواقف يضطر فيها للكذب ولكن انصح اي انسان ان لا يكذب لانك لو قولت الصدق وحصل لك مكروة اكيد ربنا هيعوضك باحسن منه لكن الكذب عواقبة وخيمة
والكلام في الموضوع ده يحتاج لمقلات ولكني اكتفي بذلك

س2/ ماهو اكثر شئ يضايقك فى حياتك ؟وما هو الشئ الذى ندمت على تركه ولم تفعله ؟

اكثر شئ يضايقني في حياتي انا جاوبت علي الجزئية ديه قبل كده وقولت عدم حب الناس لبعض لكن احب ان اغير سؤوالك واقولك اكثر شئ احزني في حياتي

اكثر شئ يحزن الفراق وحزنت لوفاة اثنين من اعز اصداقائي المرحوم باذن الله / عبدالنبي حفني والمرحوم باذن الله / حاتم عز المتوفي حديثا

الشئ الذي ندمت علي تركة انا مش هقولك بقي اني مش بندم علي شئ واعمل فيها واد بورم بقي وكده لكن الواحد ساعات بيخطأ ومش ديما علي صواب لذلك تمر من الواحد اشياء كثيرة وبعد كده بيندم عليها لسببين لانه بيعرف قيمتها بعد ذلك والسبب الثاني ان الغيب بيد الله ولو يعلم الانسان ان هذا الشئ سيندم عليه ما تركه ابدا لكن في الاخر كله بيبقي اختبار من الله وهل سترضي بحكمه من عدمه وكثيرا منا يردد كلمة لولو لو كنت عملت كذا لوكنت اختارت كذا لو كنت اشتريت كذا والحمد لله علي كل حال و يا سيدي متعدتش اشياء كثيرة الواحد ندم عليها

س 3 / كثيرا منا يندم علي قرارت ومواقف مرننا به فاذا رجعت بيك السنين الي الخلف ماذا كنت تختار حياتك ؟

لو رجعت بينا السنين للخلف كنت هختار نفس حياتي هذه لانه مقدر ومكتوب لكن لانسان ديما بيحاول يكون الاحسن

وشكرا جدا لك يا ميدو ويارب اكون وفقت في اجاباتي

ونجتمع علي خير باذن الله

مستني يا جماعة اسئلتكم ومنتظر اسئلتك يا محمد حمادة

وعاوز اعرف باقي كام يوم علشان نفسي اجعل اخر يوم لي اني اجعل كل واحد يسئل سؤال واحد كانيتمني ان يسأله لنفسه وانا اجاوب عليه او اي شئ يحيرة في امر ما وانا اجاوب علية وهذا يجعلنا يذيد من اواصر المحبة والمشاركة في الفكر والكل يستفاد

وبعدين يا حودة كرسي الاعتراف كرسي شيق جدا جدا
بس ابقي عرفني باقي ليه 3 ايام ام 4
علشان اسجل ما احسست به وانا علي كرسي الاعتراف

وبعدين نفسي الدكتور مجدي يسألني سؤوال قبل ان يجلس علي الكرسي

وبعد كده هرشح الدكتور مجدي هو صحيح ترشيح اجباري لكن حتي لا نكسر قواعد اللعبة
علما بانه اذا كان الدكتور عضو كنت اختارتة بالتأكيد

من طرف **admin** الثلاثاء 23 أكتوبر 2007, 2:31 am

باقى على جلوس الاستاذ/ أحمد أبوسليم على كرسى الاعتراف يوم واحد فقط -

ملاحظة: ادارة المنتدى مستمتعة بمحاورتك الجميلة وردودك الأجمل ، وتتمنى لحضرتك دواااااام التوفيق والنجاح

يوم واحد بس

طيب الحق السؤال

الفردى بتاعى !!!

لو شغال فى جمعية خيريه

ومعظم اعضائها فتيات قول كلهم

وتمشى فى الشارع يقابلك شباب كتير

فاضى اجوف وتشعر بأسى وحزن من كده

تعمل ايه علشان تهون على تفسك

الحزن والهم اللى فى قلبك و مش قادرتتخلص

منه ؟؟؟؟

[/b][/i]

من طرف **MaHmOuD AhMeD** الثلاثاء 23 أكتوبر 2007, 4:30 am

سؤالى الفردى للاستاذ : أحمد أبوسليم
س/ لو حضرتك مسئول عن منتدى ما، ومعاك قلة من الأعضاء اللى انت أساسا عامل المنتدى علشانهم ، حاولت معاهم بكل الطرق ولم تترك سببا للاصلاح والحوار بينك وبينهم، وشرح الأمور مختفية عنهم ، ولكنهم مع كل ذلك ، لم يتركوا لك فرصة الا للاصطدام بهم _ تعمل ايه فى كيفية التصرف معاهم لو كل الحيل اللى فى ايدك خلصت - وهما من وجهة نظرك الشخصية ترى أنهم أعضاء غير جادين بالمنتدى !!! أعرف ردك ؟؟؟؟؟؟؟

ازيك يا عم خالد وان شاء الله تكون بخير
ويا سيدي حاضر هجاوبك

لو شغال فى جمعية خيريه

ومعظم اعضائها فتيات قول كلهم

وتمشى فى الشارع يقابلك شباب كتير

فاضى اجوف وتشعر بأسى وحزن من كده

تعمل ايه علشان تهون على تفسك

الحزن والهم اللى فى قلبك و مش قادرتتخلص

منه ؟؟؟؟

طبعا يا عم خالد انت بتتكلم عن البنات والفتيات اللي بتشتغل وهم مش مسؤولين عن اسرة والشباب العاطل اللي المفروض الدولة تشغله علشان هو المسؤول عن زوجتة وملزومه منه يصرف عليها علشان كده انت عاوز تفسر ان المفروض البنات يقعدوا في البيت والشباب هو اللي يشتغل لان عليه مسؤولية كبيرة

انا معاك والدولة حاولت تخفض سن المعاش للمرأة 50 لكن لم يستطيعوا هذا وتم رفض الموضوع

طب فتحت موضوع المعاش المبكر حتي يجعل المرأة تأخذ معاش مبكر ويبقي رضاها بدخل اخر الشهر لكن المراة رفضت

طب نعمل اية

وبصراحه يا عم خالد احنا في مجتمع اصبح لا يستطيع ان ينكر جق المراة ودورها في العمل

ونحن ايضا لا ننكر دور المراة فالمرأة اصبحت فعلا لها ادوار مهمه جدا في العجلة الاقتصادية

لكن نحن نرفض المرأة التي ليس لها صلة بالواقع العملي ولا تفيد البلد في شئ ووجودها في هذا المكان من عدمه لا يؤثر علي سير العمل

عندك مثلا الوحدات المحلية يوجد بها عدد كبير جدا جدا من النساء ليس لهم اي دور وأسألني أنا

من خلال عملي كنت اتردد علي المصالح الحكومية لانهاء بعض الاجراءت كنت اجدهم مجتمعين كأنهم قاعدين في الشارع ويحكون ويتسايرون في سيرة فلانه وفلان بل معظمهم بينزل يتسوق ويملئ مكان العمل بالخضار واللي تأشر بطاطس واللي تقطف ملوخية واشكال كتير من دية

لكن هتعمل ايه في زمن اللا مبالاه طب والشباب اللي قاعد في البيت ده من غير شغل واللي مش قادر يخطب لاسباب كتيرة اما لعدم حصولة علي عمل او لعدم قدرته او قدرة اهله لمتطلبات الزواج

وانت بتقولي تقول ايه اقولك الاقاويل كتير والنقض كتير

واعتقد ان الشباب وجد لنفسه الحل واصبح يفكر في الزوجة ذات المال او ذات الوظيفة وكتير قوي منهم بيرضي بشباب عطلان وده بسبب اعنزاف الشباب عن الزواج للحالتهم الاقتصادية الصعبة

و حتي لا اطيل عليكم نحن لا نبخث حق المراة ودورها في المجتمع المصري ولكن مرحبا بالمراة العاملة التي يستفاد منها المجتمع

واقول المشكلة مشكلة حكومه وحالة اقتصادية

وياعم خالد الحكومة مسؤولة انها توفر فرص عمل للشباب والبنات

وفي الاول لما كنت افكر في الموضوع ده كنت اتضايق واقول ما يشغلوا الشباب مكان البنات البنت لو تزوجت الصبح مسؤوله من راجلها لكن وجود المرأة واحتلالها مكان الرجل في العمل اصبح امر واقع لا محاله

وحل المشكله دية هي المرأة نفسها هي المفروض انها ترفض العمل لان اساس عمل المرأة هو بيتها وتربية الاطفال ورعايتهم وهو دور عظيم لا يقدر بمال ويمكن دورها ده افضل بكثير من دور الرجل

لكن تعمل ايه في زمن صعب والمراة تلجأ للعمل بعد الزواج وتحرص علية اكترمن قبله لمساعدة زوجها في ظروف المعيشة

وقول للشباب الله يكون في عونكم واعتمدوا علي نفسكم واقطعوا املكم بالوظائف واعملوا اي مشروع ربنا يكرمكم به

ارجو ان اكون وفقت في اجابتي

والسلام عليكم ورحمة الله

رد: كرســــــي الاعتـــــراااااااااف

من طرف أحمد أبو سليم الثلاثاء 23 أكتوبر 2007, 8:19 am

السلام عليكم ورحمة الله
[color=magenta]كيفك يا حودة مجهودك متميز وربنا يكون في عونك
اليك اجابتي

س/ لو حضرتك مسئول عن منتدى ما، ومعاك قلة من الأعضاء اللى انت أساسا عامل المنتدى علشانهم ، حاولت معاهم بكل الطرق ولم تترك سببا للاصلاح والحوار بينك وبينهم، وشرح الأمور مختفية عنهم ، ولكنهم مع كل ذلك ، لم يتركوا لك فرصة الا للاصطدام بهم _ تعمل ايه فى كيفية التصرف معاهم لو كل الحيل اللى فى ايدك خلصت - وهما من وجهة نظرك الشخصية ترى أنهم أعضاء غير جادين بالمنتدى !!! أعرف ردك ؟؟؟؟؟؟؟

اولا انت بتقول لو مسؤول عن منتدي انا فعلا مسؤول عن المنتدي وكل عضو فية مسؤول عن هذا المنتدي لاننا جميعا اسرة واحدة ونحن جميعا بنسعي جعل منتدنا احسن منتدي باذن الله

اما عن القلة فانت قولت قلة
لكن نحن ننصح مرة واتنين لكن اذا رأيت انهم مفيش امل منهم ولا يفيدون المنتدي فاصنع ما شئت معهم
وامنعهم من المشاركة بالمنتدي
ونحن جميعا نرحب باي عضو سواء من القرية او خارجها لكن لابد من المشاركة الفعالة والمحترمة
ويارب كل الاعضاء يساعدوك علي ذلك
ويا جماعه بدل ما نضيع وقت المدير في كلام فاضي خلينا نستغله في خدمة المنتدي والتطوير منه وارجو من الكل يتعاون في ذلك

[color:b04c=magenta:b04c]واتمني لك التوفيق فانت في موضع مسؤولية لا تحسد عليها

]

اشكرك على اجابتك لكن !!

انا ما قصدتش كده

انا قصدت انا الفتيات هما اللى كلهم حماس

هما اللى بيعملوا كل شئ

بيدوروا على الناس وخدمتهم كلهم نشاط وحيويه

والله عندى لجنه مسئول عنها فى الجمعية اكتر ناس ملتزمه فيها ودورهم فعال الفتيات .

ده اللى مخلينى حزين الشباب ملهوش دور او يكاد يكون منعدم وبسيط

القهاوى ملايانه بيهم لحد امتى ال لا مبالاة منهم حيتحركوا امتى .

مش ناقص غير ان الفتيات هى اللى تروح تعمر الصحراء وهما برضه الشباب على القهاوى

والله دى كمان حصلت فى بنى سويف فى صناع الحياه هناك

اقول ايه ولا ايه ربنا ينجى .

طيب نعمل ايه يا عم خالد

الشباب عاوز نت وكمبيوتر ويسهر حتي الصباح
ومفيش فايدة لان نحن في زمن ضاع فيه الشباب
وبيكسلوا يدوروا علي شغل
ولو واحد اشتغل يدور علي اي حجه علشان يسيب الشغل

وانا عارف ان فيه بنات كتير ملتزمة وانا قولت نحن لا نبخس حق المرأه

وكان فيه شباب ملتزم
وانا قولت الحالة حالة اقتصادية وملل
وانا قولت الحل عدم الاعتماد علي الحكومة
واسف اني مشاركتي لم تاتي بما في فكركم الموقر
لكن بردك انا شرحت جزئية ليست بالهينه في هذا الزمن
وتقبل تحياتي

من طرف ضى القمر الأربعاء 24 أكتوبر 2007, 1:26 am

بسم الله الرحمن الرحيم

عودة مرة أخرى

بالنسبة للسؤال للعمل فى الخارج أنا لا أقصد مرارة العمل ولكن مرارة الغربة

وأنا متأسفة

المهم ممكن أقول رأى فى عمل المرأة (ان أعظم عمل تقوم به المرأة هو رعاية زوجها رعاية أولادها وتربيتهم والحفاظ على بيتها لكى تكون السكن )

ولكن فيه نقطة مهمة وهى وجهة نظر كيف نحرم مرأة تحب العلم والعمل وهى تستطيع أن تقدم ما لا يقدمه ألاف من الرجال فنجد امرأة على سبيل المثال امرأة ذكية جدا وتستطيع أن تنتج أشياء مفيدة للبشرية, كيف نمنع هذة العقلية من تقديم ذلك فلو كانت هذه المرأة ليس لها عملا تقدمه فنسئل أنفسنا لماذا أعطاها الله هذا المخ العبقرى أهى تسر هذه النعمة أم نحن نرفض منها ذلك

وأنا رأيت بعينى على شاشة التلفاز امرأة ملتزمة تقدم بحث علمى عن الاعجاز العلمى

فالفرصة فى العمل تتاح للمتفوقين وهم الاولى فاذا كانت امرأة متفوقة عن رجل فما ذنبها فى ذلك

وسامحونى على الاطالة

وجزاكم الله خيرا السلام عليكم ورحمة الله

المهم

هل عندك أ ناس أصحاب فضل عليك بعد ربنا سبحانه وتعالى ؟ ان كان نعم فما هم ؟ ولماذا؟

متى تشعر ان الوقت يضيع من يديك؟

ما أهم أعمالك اليومية بعد أداء العبادات؟

هل شعرت مرة بالظلم ولو أه ياريت حضرتك تقولنا أصعب حاجة حسيت بيها بالظلم الشديد؟

من طرف **MaHmOuD AhMeD** الأربعاء 24 أكتوبر 2007, 1:35 am

يا استاذه / ضى القمر

وقت الأستاذ / أحمد - انتهى .

حضرتك لم تقرائى قول المدير .

[/center]

من طرف ضى القمر الأربعاء 24 أكتوبر 2007, 2:18 am

أنا متأسفة ياسيادة المدير

ده أعتذار منى لمنتدى شباب قرية الحصة
أمال فين الشخصية الجديدة كده اللعبة هتطول

من طرف ضى القمر الأربعاء 24 أكتوبر 2007, 2:22 am

مش الدكتور مجدى هو اللى قاعد على كرسى الاعتراف

من طرف **MaHmOuD AhMeD** الأربعاء 24 أكتوبر 2007, 2:23 am

الأستاذ / أحمد سوف يقوم بترشيح الدكتور/ مجدى دوام للجلوس على كرسى الاعتراااف - يعقبها البدء فى أسئلتكم ثم يجاوب عليها الدكتور / مجدى

بارك الله فيكم جميعا

ارشح الدكتور مجدي دوام

ومرحبا به اخ عزيز علينا
وياريت يا جماعه نستفاد منه لانه شخصية محترمة وجميلة

وشكرا يا ضي القمر علي اسئلتك الجميلة
وهجاوبك عليها برسالة خاصة بعد اذن طبعا سيادة المدير والاعضاء وهذا احتراما لانتهاء وقت جلوسي علي الكرسي وشكرا علي رأيك في موضوع عمل المرأة

وشكر لكل من شارك بسؤال او شاهد الاجابات والاسئلة

وبصراحه وما احسست بالوقت ومر سريعا وكنت اتمني ان اكون معكم باستمرار لكن هو ده حال الدنيا الكرسي لا يدوم لاحد ولو دام ما كان وصل الي وشعور غريب احسست به وانا معكم علي هذا الكرسي لكن لا اوصفه لان كل منكم عندما يجلس علي كرسي الاعتراف سيشعر به ولا يستطيع وصفه

وياريت يا جماعه الاسئلة لا تقتصر علي الجانب الشخصي ونستفاد من الشخصية بقدر الامكان سواء علي المستوي الشخصي او العلمي او العملي

فمرحبا بالدكتور مجدي اخ عزيز علينا وانسان احترمه واقدرة لحسن سلوكة وجمال خلقه

وبعدين هو من عائلة دوام وهم اخوالي

فمرحبا بخالي العزيز مجدي دوام

وحمد لله علي سلامتك من المانيا
وياريت يا دكتور تجاوب علي جميع الاسئلة سواء الشخصية او غيرها باستفاضة
وتستحملنا وياريت يا جماعه كلنا نسأل اسئلة تليق بالمنتدي
وياريت نستفيد بالدكتور مجدي بقدر الامكان بصراحه يعني نستغله فترة جلوسة علي الكرسي

تفضل قدم نفسك وبطاقتك الشخصية وعملك وعلمك

وسنتابع الاسئلة بعد تعرفينا بشخصكم الموقر

وكل عام وانت بخير

كان معكم احمد سليم من مكتب لجنة الاعلام الرياضي باللجنة الاولمبية القطرية

الدوحـــــــــــــه - قطـــــــــــر

السلام عليكم ورحمة الله وبركاته

شرفت بتسجيلى فى هذا المنتدى الرائع ، وكم سعد قلبى بتواجدى بينكم ، وأدعو الله أن أكون ضيفا خفيفا على قلوبكم .

وتمنياتى للجميع بالتوفيق وشكرى الخاص الى القائمين على هذا المنتدى.

الاسم / مجــــدى عبد المؤمن محمود دوام.

تاريخ الميلاد / 21 فبراير 1962.

المهنة / مدرس لغة عربية بالمدرسة الألمانية.

العمل الخدمــى / رئيس مجلس ادارة مركز شباب قرية الحصة.

الحالة الاجتماعية / متزوج + 3 أولاد ( ولدين وبنت ).

محل الاقامة / قرية الحصة -- (القاهرة).

وان شاء الله أنتظر جميع أسئلتكم ، وأدعو الله أن يوفقنى فى الاجـــابة عليها ، وتفى بالغرض لصاحبها، ولكن عذرا لظروف عملى سأقوم بالرد عليها جملة واحدة بعد انتهاء المدة المحددة لى على كرسى الاعتراف . أشكركم .

من طرف ضى القمر الخميس 25 أكتوبر 2007, 4:40 am

بسم الله الرحمن الرحيم

السلام عليكم ورحمة الله وبركاته

نريد معرفة معلومات عن الدراسة فى كلية دار العلوم ورسالة الدكتوراة؟

كيف تكون طبيعة الانسان المتفوق بين زملائه؟

هل كان الالتحاق بكلية دار العلوم رغبة حضرتك الاولى ؟

هذه أولى اسئلتى وسوف أكمل بعد باقى الاعضاء

تشرفنا بوجودك معنا

ومرحبا بك صاحب بيت

ولك مني التحية ومن اعضاء المنتدي لاتاحة الفرصة للشباب للاستفسار عما بداخلهم في سابقة لم تحدث من قبل لاي مسؤول عن منصب سواء شرفي او رسمي او خدمي

وبعد اذن حضرتك هسأل كام سؤال ورغم اني اعلم الاجابة جيدا ولكن اسالتي للتوضيح للشباب واعضاء المنتدي

وبعد اذن حضرتك ياريت تجاوب علي الاسئلة قبل انتهاء وقت جلوسك علي الكرسي بيوم او اثنين علشان لو فيه اي استفسار عن نقطة معينة في الاسئلة او الاجابات

س 1 _ ما سبب ترشيحك لرئاسة مجلس ادارة مركز شباب الحصة ؟ و علي علم انك تحب الحصة والنادي وكنت تسعي لترشيح الافضل من بين اشخاص غيرك ودارت حوارت ومناقشات نحن لا نعلم عنها شيئا ، وسمعنا اشاعات انك كنت في الاصل رشحت نفسك لتقوية جبهه عن الاخري فما الذي دفعك لترشيح وهل هذه الشائعات صحيحة ؟

س 2 _ عندما كنت بعيد عن مجلس الادارة كنت تأتي للمارسة لعبتك المفضلة كرة القدم في ايام تواجدك بالقرية وبصراحه كنا نسعد بك جدا لانك انسان ولاعب ممتاز بالاضافه الي سلوكك الحسن داخل الملعب واحترامك الصغير قبل الكبير _ هل مجلس الادارة ومشاكله منعك من ممارسة اللعبة ؟ واذا كانت الاجابة بنعم هل هذا سببه مشاكل الاعداد الزائدة في ممارسين اللعبة في كل يوم وحتي لا يقولوا المفروض رئيس مجلس الادارة بدل ما يلعب يقعد وويوفر مكان لغيرة , ام لقلة وقت حضرتك وتفضيلك استغلال وقتك بحل مشاكل المجلس والشباب ؟

س 3 _ اعلم ان مجلس الادارة مسؤولية كبيرة واعتقد انه في قريتنا يمثل شبهه لما يقال عنه من اقاويل فهل ندمت علي ترشيحك لرئاسة المجلس ؟

وهذة جزء من الاسئلة واترك الفرصة للاعضاء ان يسألوا

ولكن يوجد اسئلة كثيرة ويعلم الله انني اعلم الاجابة لكن فيه شباب كثيرة لا تعلمها وكل اسئلتي موجهه لتوضيح الغموض وكشف الحقائق ودرء الشبهات

والسلام عليكم ورحمة الله وبركاته

وتحياتي لك ولاصدقائي واخوتي اعضاء مجلس الادارة المحترمين

واوعي يا دكتور تنساني وتذكرني بالدعاء

من طرف اية احمد الخميس 25 أكتوبر 2007, 1:49 pm

ماذا تريد ان يصبح عليه مركز الشباب ؟

كرســــــي الاعتـــــراااااااااف - صفحة 10 83152575

اولا بوجه شكرى لاداره مركز شباب الحصه

والسؤال الوحيد اللى انا هسألو للاستاذ مجدى عبد المؤمن.

هو :

ليه الاستاذ احمد امين هو الكل فى الكل فى مركز شباب الحصه . هو اللى بيحل كل المشاكل ,

اى مشكله فى النادى الكل بيرجعلو , ده لانو بيحل على طول سواء بيحل ودى او غير ذالك,ولا

عشان هو بقالو مده طويله فى النادى , ودليل ذالك المشكله الاخيره اللى فى النادى وهيا كسر زجاج من عند الحاج سمير , هوالوحيد اللى جرى فى حل المشكله دى واهتم بعدم وقف نشاط كره القدم وراح بنفسه لاسامه بتاع الزجاج وجابو ركبو وده مش تخصصو ؟

ومشكوووووور مرة تانيه لادارة مركز شباب الحصه

واداره منتدى شباب الحصه

من طرف **خالد العطار** الخميس 25 أكتوبر 2007, 4:35 pm

تتشرف ادارة منتدى الحصة بوجود شخصية عظيمة

مثل الدكتور / مجدى عبد المؤمن

واشكره على تفاعله وتعاونه مع ادارة المنتدى برغم مشاغله بموافقته للانضمام الى كرسى الاعتراف وللعلم فضيلة الدكتور / متواجد اسبوعا كاملة لتلاقى اسئلتكم ثم يقوم سيادته

بالاجابة عليها تباعا ثم ينتظر اى استفسار اخـــر من اى عضو حتى تتلقوا جميع اجابتكم .

شكرا للدكتور الفاضل وشكرا لكم اعزائنا الكرام

على وعد منا بلقائات مفاجئة فى المرات القادمة فانتظرونا