رد: كرســــــي الاعتـــــراااااااااف

شكرااااااا ليك يا استاذ احمد000 انت اللى واحشنى والله

على فكرة مفيش حد سألته عن دكاترة الاسنان الا وقالى الكلام ده

يا جماعه والله غصب عننا اصل الاسنان والضروس بتبقى مرتبطه بالعظام بتاع الفكين

فب التالى يكون فيه صعوبه فى خلعه اما بخصوص الكماشه وبقيه الادوات فده طبيعى

المهنة عايزة وبعدين انت بتاخد اى مسكن كده وخلاص مينفعش لازم تروح لطبيب اسنان بردو

علشان يكتب على شويه مسكنات000يعنى انت كده كده رايح رايح لا مفر

اه نسيت0000 الاجابه فى غايه الروعه وبعدين انت قولت اسماء البلد كلها مش اصدقائك

انت مسبتش حد مذكرتوش

ربنا يرجعك بالسلامه

شكرا علي مرورك يا باش مهندس بس انت ليه مسألتش
وعارف اني نسيت ناس كتير بس اعمل ايه السؤال محرج ولازم اذكر بعض الناس
لذلك قولت ( واقول يا جماعه هذا ليس مقياس ولكنكم كلكم اقرب الناس الي )
وشكرا علي اسئلت يا دكتور اسامه
بس نعمل ايه في دكاترة الاسنان نروح لدكتور الاسنان يقول لازم تروح لدكتور القلب نروح لدكتور القلب يقول روح لدكتور الباطنة والباطنة يقول روح لدكتور العظام والعظام يقول مش عارف اوديك فين انت روحت جميع الدكاترة لكن فاضل دكتور الاطفال وبعدين دكتور الاطفال يقولك كده ياعم خلاص كلنا استنفعنا روح بقي لدكتور الاسنان تاني او روح انت كده خفيت
يعني من الاخر كله بينفع كله وبعدين مفيش ثقة اليومين دول في الدكاترة لان معظم الدكتور مش بيشوف مصلحة المريض لكن بيشوف ازاي يقدر يستنفع باكبر قدر ممكن من المريض
يعني دكتور الاسنان يقولك حشو الدرس لانه غالي او يقنعك بتركيب اسنان ودروس بروسلين او غيرة المهم يتفننوا ازاي يطلعوا الفلوس من جيب المريض
من الاخر المريض مش بيحس بامان مع الدكتور بتاعه زي زمان والمادة طغت علي شرف المهنه
وعساكم من عواده

ااااااااااه منك يا محمد يا فتحي يا جماعه محمد فتحي قاصد يحرجني لانه عاش جزء من مشكلتي وهو عارف كل شئ لذلك سأل اسئلة في الصميم لكن هجاوب طبعا غصب عني

اولا: لو حبيبتك عزمتك قصدى اللى كانت حبيبتك على يوم فرحها هاتروح ولا هاتعمل اية؟

بالنسبة للسؤوال ده انت اكيد فاكر انك سالتني قبل ذلك وانت فاهمني طبعا وقولت لك تروح عادي ايه المشكلة ومش معني ان مفيش نصيب بينك وبين الانسانه اللي تحبها انك تخسروا احترام بعض ومعني انها عزمت يبقي اكيد بتحترمك ولو كانت علاقة اهلها بيك كويسه بلاش تخسرهم لمجرد انه لم يحدث نصيب لان الله عز وعلا اكيد اختار لك شئ احسن وكتير من الناس تزوجوا عن حب واكتشفوا انهم اخطأوا في الاختيار لان الحب كثيرا بيداري عن اخطأ كثيرة يعني علي رأي المثل ( مراية الحب عامية بتخلي السلطة باميه ) فاذا خسرت عزيز عليك لا تخسر نفسك او احترام الناس ليك وبكرة لما تحب وتتزوج من غيرها هتشوف اد ايه ان ربنا انعم عليك باحسن منها

يارب تكوني رسالتي وضحت واي استفسار عن اي شئ غامض انا تحت امرك

ثانيا: بعد الحب الاولانى هل ترضى بالارتباط التقلديى ام هاتدور على حب تانى؟

اسئلتك عسل زيك بجد ومفيدة

اكيد كل واحد فيكم حب اكثر من مرة بمعني انك عندما كنت في الثانوية اكيد قلبك مال لاحد وبعدين نسيت ويعدين ظهر حب جديد وبعدين نسيت وبعدين حب جديد وبعدين نسيت بمعني ان ربنا بيعوضنا اكيد بحب يكون اجمل من ما قبل وهذه هي الحياة لكن اعتقد انك لو حبيت وتزوجت من الانسانه التي احببتها سيكون اجمل زواج

لكن مسألة الارتباط التقليدي ايه هو الزواج التقليدي ؟ انت يا محمد لما ترتبط بانسانة اكيد بتختارها كويس لانها ستشاركك حياتك في المستقبل واذا اختارت ذات الدين واحترمتها وصونتها اكيد هتحبك وهتحبها ومش اقدر اقول لك غير هذا لكن بكرة الايام تنسيك الحب القديم وتكتشف انه حب وهمي مهما كان وصفك له يا رب اكون وفقت

ثالثا: هل انت غيور للغاية ؟

اي انسان ليس غيور يعتبر مش انسان الغيرة غريزة وانا بصراحه غيور جدا بس بحكمة ولكن انت تقصد اي غيرة غيرة الحب او الغيرة من الناس ام ماذا تقصد منتظر ردك وستجد ايجابة مفصلة

وتقبل تحياتي واذا وجد اي شئ غامض في ردي ارجو ان تنوة عليه وسوف اجيب عنه

وانا شايف معظم الاسئلة شخصية لكن بحاول علي قدر ما استطيع ان اجيب عنها لان اي سؤال ستجد له اجابة باذن الله

تقبل تحياتي

اخيك ابن ابو سويلم

من طرف **Mohamed Hamada** الأربعاء 17 أكتوبر 2007, 7:32 pm

الله عليك يا زعيم واحشنا وواحشنا كلامك

وبعودتك المنتدى زاد نور على النور اللى فيه

ربنا يوفقنا ويوفقك ودايما منورنا

ربنا يخليك يا حمادة وكل عام وانت بخير

اولا احييك على الاجابات المستفيضه

اللى فيها محاولة ارضاء

للكل ودبلوماسيه الى

ابعد الحدود

طيب نيجى للجد !!

س 1 /

قول ولا تخبيش مش هعرف حد غير اهل البلد واعضاء المنتدى وصحابى فى صناع فى مصر كلها يعنى سرك فى بئر ملهوش اخر .

سفرك واحساس الغربة اللى من وقت للتانى بينتابك هل سوف يجعلك احرص على المال

من زى قبل سفرك ؟ يعنى هتكون بخيل شويه ولا مجرد ما ترجع هتصرف بشكل عادى ويفرجه ربنا بعد كده ؟

س 2 /

اول حاجه هتعملها اول ما ترجع من سفرك ان شاء الله ايه ؟؟

هتكمل نص دينك زى ما الشباب بيتكون دى اول شئ يعملوه لما بيرجعوا من رحلة غربه !!

ولا لك رأى اخر ؟

س 3 /

ساعات احساسى انك ثورجى وبتحب الشد والجذب وان حلول اللين والسياسه مش سكتك فى بعض المواضيع الحساسه برغم كونك محامى يعنى الحنكة والدهاء اساس عملك .

فهل طبعك نارى ؟؟ ام حسب الموقف ودرجة استفزازه لك ؟؟

للاسف قانون اللعبة يمنعنى اكمل اسئله وكنت منتظر للاخر لكن اوعدك مش هتقوم من على الكرسى الا لما اشارك بمحاولة جديده واسئلة اكتر .

خاطرة :

احبك فى الله

من طرف ضى القمر الجمعة 19 أكتوبر 2007, 5:14 pm

1-هل تسطيع ان تنظم وقتك؟

2-ما أجمل شئ فى حياتك؟

3-هل أنت راضى عن نفسك؟

الله ينور عليك يا مدرسة ويزيدك حنكة ووقار ودبلوماسية

هاسيبك ترد على اخويا الاستاذ خالد والاخت ضى القمر

وبعدين هندردش شوية

ازيك يا استاذ خالد وواحشنا والله وكل عام وانت بخير واسئلتك جميلة جدا وهجاوب عليها ورغم انها تحتاج مقالات للاجابة عليها ولكن سوف احاول ان اختار القليل منها لكي تعبر عن الاجابة بشئ مستفاض واسف علي التاخير وذلك نظرا لظروف عملي ومن الناحية الاخري للمشاكل التي توجد علي المنتدي والتي يقوم مدير المنتدي بتنسيقها

س 1 /

قول ولا تخبيش مش هعرف حد غير اهل البلد واعضاء المنتدى وصحابى فى صناع فى مصر كلها يعنى سرك فى بئر ملهوش اخر .

سفرك واحساس الغربة اللى من وقت للتانى بينتابك هل سوف يجعلك احرص على المال

من زى قبل سفرك ؟ يعنى هتكون بخيل شويه ولا مجرد ما ترجع هتصرف بشكل عادى ويفرجه ربنا بعد كده ؟

اول شئ الانسان حسب ما تعود واتربي يعني الانسان اذا كان مسرف هيظل مسرف والبخيل اعتقد انه لا يتغير
لكن الحمد لله اني وسط انفق المال لكن بحكمه وبمكانها الصحيح صحيح قبل ما اسافر كنت لا املك المال الكثير ولكن الحمد لله لست بالبخيل واتمني الخير لجميع الناس واتمني لهم الرزق الواسع الذي يغنيهم عن سؤال الناس
ولكن بصراحه اعتقد ان اي انسان بيتعب في القرش الذي يحصل عليه اكيد بيكون حريص اكثر
وانا اؤمن بالحكمه التي تقول من اتي سهلا ذهب سهلا
واكيد طبعا الذي يدفع اي انسان علي الغربة هو المال وتامين مستقبله ومستقبل اسرته في المستقبل
حتي يكونوا احسن مما كان عليهم والديه
وطبعا اهم شئ في الانفاق هو ان لا تنسي حقوق الله عليك من صدقة وذكاة
( خذ من اموالهم صدقة تطهرهم وتزكيهم بها )
( لا ينقص مال من صدقة )
صدق الله وصدق الرسول
لكن يا أستاذ / خالد ان الحمد لله لم تغيرني غربة ولا انسي اهلي وناسي وحقهم علي

اللهم طهر قلوبنا من النفاق وانفسنا من الشح السنتنا من الكذب واعينينا من الخيانة واعمالنا من الرياء اللهم امنين

س 2 /

اول حاجه هتعملها اول ما ترجع من سفرك ان شاء الله ايه ؟؟

هتكمل نص دينك زى ما الشباب بيتكون دى اول شئ يعملوه لما بيرجعوا من رحلة غربه !!

ولا لك رأى اخر ؟

طبعا ما اقدرش اكذب عليك طبعا هختار بنت الحلال المؤدبة المحترمة ذات الدين وارتبط بيها واعتقد انه هدف اساسي لاي انسان
لكن احلامي كثيرة وهيكون اكيد فيه تفكير في اشياء كثيرة هحاول انفذ بعض هذه الاحلام وبفكر في عمل مشروع يؤمن مستقبلي وان شاء الله في دماغي كذا مشروع يعود علينا وعلي اهل البلد بالخير وان شاء الله يكون سبب في فتح باب رزق لاسر كتير بس متخافش مش هعمل سايبر ولا هنافسك مشروعي ان شاء الله هيكون بعيد تماما عن تفكير شباب اليوم

س 3 /

ساعات احساسى انك ثورجى وبتحب الشد والجذب وان حلول اللين والسياسه مش سكتك فى بعض المواضيع الحساسه برغم كونك محامى يعنى الحنكة والدهاء اساس عملك .

فهل طبعك نارى ؟؟ ام حسب الموقف ودرجة استفزازه لك ؟؟

انا والحمد لله لست ثورجي ولو لاحظت ستجد ان اسلوب كلامي فيه استفزاز وعلي فكرة لا اتاثر باي استفزاز لان الحكمة والتفكير قبل الرد علي اي موضوع هو اسلوبي في الحياة

ولكن اعتقد اننا جربنا السياسة كتير ومفيش فايدة وانا اعتمد في ردي علي الموضوعات التي تمس مصلحه البلد بالرد بالقوة والحكمة

وبصراحة لا اقصد من طريقة كلامي شئ سوي ان تصل الي المسؤولين وان تحرك مشاعر كل الشباب ليتبنوا القضية ولكن لو اعتمدت علي السياسة واللين لن يهتم بها احد

وعلي فكرة اسلوب كلامي هو في الاصل اسلوب سياسي لانك كما ذكرت هو اساس عملي

ارجو ان اكون قد وفقت في ردي

واي استفسار تحت امرك يا أستاذ / خالد

وعساك من عوادة

كرســــــي الاعتـــــراااااااااف - صفحة 9 390233

الاخت ضي القمر

السلام عليكم ورحمة الله
بداية : انتي دخلتي في الاسئلة علي طول من غير كلام ولا سلام
لكن بشكرك علي اسئلتك ومشاركتك

لكن عندي فضول قبل ان اجاوب علي اسئلتك ان اسالك
لماذا اختارتي اسم ضي القمر مع اني معظم البنات يتمنوا يكونوا القمر نفسه وانتي اختارتي الضي فقط هل مصادفة ام مقصودة ؟ قصدي يعني لك هدف معين من اختيارك هذا الاسم ؟

واليك الإجابة علي اسئلتك الشيقة

-هل تسطيع ان تنظم وقتك؟

أي انسان بدون تنظيم الوقت يعتبر انسانه مهمل وليس له هوية ولا هدف في الحياة

فالوقت شئ ثمين في حياة الإنسان
وانا الحمد لله استطيع ان انظم وقتي سواء عندما كنت بمصر او حاليا بالغربة فالغربة تجبرك علي تنظيم الوقت فهنا في الغربة اعمل في دواميين ( عملين ) صباحا ومساءا فالعمل الصباحي يبدأ الساعه السادسة صباحا وينتهي في الثانية ظهرا والعمل المسائي يبدأ الساعه الرابعه عصرا ومفتوحه قد تصل الي الثالثة صباحا واذا لم استطيع تنظيم وقتي لن استطيع النوم ومما يترتب عليه عدم استطاعتي علي استمراري بالعمل علي الوجهه المعتاد
فتنظيم العمل شئ اساسي في حياة الانسان لكن للاسف معظم الشباب لا يعطون له اهمية واعتقد ذلك سببه الظروف الاقتصادية التي يمر بها الشباب وذلك ناتج طبعا علي ظروف البلد وعدم وجود العمل مما يساعد علي اهدارهم الوقت وعدم احساسهم به وطبعا الوقت بالنسبة للشباب اليومين دول ليس له اي قيمة
ومعظم الشباب لا يستثمرونه في العمل او البحث عن عمل او حتي يستثمرونه في القرب من الله لان الوقت الذي يمر من اعمارنا لا يعود ثانية وسنندم عليه وكلما كبر الانسان قصر عمرة

2-ما أجمل شئ فى حياتك؟

فيه اشياء كثيرة في حياتي
اولا العبادة واحب استماع و قرأة القرآن جدا جدا رغم حفظي القليل منه
ويوجد اشياء جميله في حياتي مثل اصدقائي واصحابي واحبائي واهلي
واساتذتي واجمل شئ عندما انظر أو اتعامل واري حب الناس لي لشخصي ليس الا ، ولولا وجود الناس واهل بلدي واصدقائي في حياتي ماكان لها طعم ولا شكل وبحمد الله اني ولدت وعيشت وسط هؤلاء الناس
وبصراحه زاد حبي واشتياقي لهم بعد الغربة وعندما اجلس مع نفسي أندم علي اي لحظه تركتها بعيد عن اصدقائي واحبابي واهل بلدي

واشكرك علي السؤال الجميل ده

3-هل أنت راضى عن نفسك؟

انت سيبتي السؤال بدون ان توجهيه لموضوع معين وتركتية بشكل عام واتمني ان تصيب اجابتي النقطة التي في تفكيرك التي دفعتك لهذا السؤال

لكن بصراحه اي انسان يعتقد أنه راضي عن نفسه وهو الصح وهو علي حق في اي شئ يفعله والناس اللي حوله خطأ
وعلي رأي المثل الذي يقول ( ربنا لما وزع العقول كل واحد عجبه عقله و لما وزع الارزاق محدش عجبه رزقه )
لكن اتمني ان لا اكون راضي عن نفسي بقدر ما يكون عملي يرضي ربي ويرضي الناس وادعو الله ان انول رضاه وفيه دعاء لا يفارقني وهو ( اللهم حببني في خلقك وحبب خير خلقك في ) لان من رضي عنه الله واحبه حبب فيه ملائكتة وخلقه وفيه دعاء اسمعه طوال حياتي وحتي الان من والدتي ( ربنا يبعد عنك ولاد الحرام ويوقفلك ولاد الحلال ) واتمني ان انول رضا الوالدين
وبصراحه نفسي ان اعيش حياتي دون ان يزعل مني احد او يقل تقدير واحترام الناس لي
رضيت بالله ربا وبالاسلام دينا وبمحمد صلي الله عليه وسلم نبيا ورسولا

ارجو ان تكون اجابتي قد نالت رضاكي
وشكرا علي هذه الاسئلة البسيطة وصدقيني استفدت منها كثيرا

وكل عام وانتي بخير
ومنظر تعليقك

ومستني اسالتك يا مهندس وليد

من طرف ضى القمر السبت 20 أكتوبر 2007, 1:59 am

بصراحة يامتر أحمد أنا لم أختر هذا الاسم لنفسى وكمان هو واحدة صحبتى اخترتهولى

وبعدان وافقتها عليه وأنا عملت اسم تانى اسمه قلب خاشع بس للأسف اتلغبطت فى الباسورد ليه
فقلت خلينى بالأسم ده المهم لا اتمنى أنا أكون غير الذى كتبه الله لى

وبالنسبة لرد حضرتك فانه رائع وأخر سؤال أنا لو هجاوب هقول ان العبد المؤمن مهما عمل من الطاعات لن يوفى الله حقه
ومرحبا بحضرتك وانت فى الخارج
والسلام عليكم ورحمة الله

الف الف شكر يا ضي القمر علي مرورك واسئلتك
وطبعا الاسماء كلها جميلة وعلي فكرة قلب خاشغ وجدت له مشاركة او اثنين واتمني ان تتذكري الباسورد لانه اسم جميل

اما بالنسبة لاجابتي علي السؤال الاخير لو قرأتي اجابتي جيدا ستجدي انني قولت اتمني ان لا اكون راضي عن نفسي بقدر ما اتمني ان عملي يرضي ربي ويرضي الناس ومعني التمني هو صعوبة تحقيق الشئ يعني هذا معناه ان الانسان مهما عمل صعب يرضي ربه لكن الله عفور حليم وقادر علي ان يهدي اي انسان لذلك فاني قولت الدعاء ( رضيت بالله ربا وبالاسلام دينا وبمحمد صلي الله عليه وسلم نبيا ورسولا ) وبلغ عن الرسول انه من قال هذا الدعاء كان حقا علي الله ان يرضيه
ولو نظرنا الي رسول الله كان يستغفر الله في اليوم مائة مرة فما بالنا وهذا الرسول الذي غفر له ما تقدم من ذنبة وما تأخر فماذا يكون مصيرنا نحن
فنحن نعمل ونتمني رضا الله ( وما خلقت الجن والانس الا ليعبدون )
ونحاول ارضاء الوالدين لان رضا الوالدين من رضا الله ومهما عملنا لا نستطيع ان نوفي حقهما علينا
وشكرا علي مشاركتك
ونحن نرحب بكي في اي وقت وبأي اسم وسواء كنتي ضي القمر اوقلب خاشع فاعتقد انها سلسلة اسماء تدعي الي الهدي

فين يا جماعه الاسئلة انتوا نمتوا ولا ايه
اتشرف بكم في اي وقت وارحب بكل المشاركات

من طرف ضى القمر الأحد 21 أكتوبر 2007, 3:33 pm

خلاص الاسمين اشتغلوا الحمد لله

المهم ممكن أسأل حضرتك
1- هل تستعين بأحد لحل مشكالك وان كان نعم فمن هم؟
2-ما هى أهم لحظة تسببت لك فى تغير مصير حياتك؟
3-متى تبكى ؟
4_متى تشعر بأن الحياة جميلة؟
والسلام عليكم ورحمة الله وبركاته

من طرف maro الأحد 21 أكتوبر 2007, 3:51 pm

ازيك يامتر واخبار الغربه معاك ايه
يارب تكون بخير.
ياترى انا ممكن اسألك ولالالالا
على العموم انا هاسالك وانت ليك حريه الاختيار انك تجاوب او تجاوب

استعنا على الشقى بالله

س1:ما اكثر شيء يحيرك في أمور الدنيا؟

س2:مارأيك بمقولة(أذا دخل الفقر من الباب هرب الحب من الشباك)بالنسبه
ليك؟
س3:ما رأيك الشخصى فى الخيانة فى الحب؟

من طرف maro الأحد 21 أكتوبر 2007, 7:00 pm

كده انا مضطر اقفل بس على فكره ان مستنيك بقالى اكتر من خمس ساعات

وماكان الفراق بخاطرى ولكن علينا تحكم الايام

انا اسف يا جماعه علي التأخير
لكن الحمد لله يا ضي القمر ان الاسمين اشتغلوا
وارحب بك مرة اخري
واتمني ان اقدر اجاوب علي اسئلتك
وبعدين ايه الصورة اللي زي القمر دية اختيار موفق في الاسم والصورة
ربنا يبارك فيكي

1- هل تستعين بأحد لحل مشكالك وان كان نعم فمن هم؟

بعد الله طبعا ( اياك نعبد واياك نستعين )
عندما تكون المشكلة كبيرة ومستعصية لا الجا الا الي الله لان الانسان طبعا مش كل شئ بيقوله او يحكي عنه في اشياء كثيرة الواحد بيحتفظ بيها لنفسه لكن اعتقد انني ان شاء الله في المستقبل زوجتي هتشاركني افكاري واحلامي ومشاكلي وده لو دعتيلي بالزوجة الصالحه
وبصراحه في بعض الاحيان بلجا لاصدقائي وقت الضيق لانهم شلة ظريفه ولا نجتمع الا ان نشيل عن انفسنا الهم والضيق
لكن بامانه شديدة والله الذي لا شريك له انني عندما اكون بمشكله اول شئ بعمله اتوضئ واصلي لله واطيل السجود له وبعدها بحس براحه شديدة لدرجة انني لا اريد ان افارق سجودي لله ابدا وده اول مرة حد يعرفه وانا قلته للعظه ولما اشعر به من راحة نفسية وادعو الشباب لذلك عندما يحل بهم ضيق

2-ما هى أهم لحظة تسببت لك فى تغير مصير حياتك؟

اهم لحظه هي فعلا لحظه السفر الي الخارج وده لاني فعلا لو فكرت جيدا ما سافرت ابدا ولكن بعد السفر وما واجهته من متاعب الغربة ومنها البعد عن اقرب الناس لي علمت فعلا ان الله لا يختار لعبده الا الخير ويجعل من بعد الضيق فرجا وده بفضل طبعا صلاة الاستخارة التي صليتها قبل سفري والحمد لله

3-متى تبكى ؟

عندما الجا الي الله وبداخلي هم ومشاكل لا حصر لها
واكتر فترة فعلا بكيت فيها مع الله بعد سفري للخارج لاني كنت مسافر زيارة بدون عقد عمل زي كتير من الشباب ما سافر ورجع خلال اسبوع اواثنين وظللت اربعة اشهر دون عمل وقد ضاقت بي الدنيا فكنت اسهر حتي الصباح اصلي وادعو الله بالاضافه الي ملازمتي لكتاب الله وكمان في تلك الفترة فقدت انسان عزيز الي قلبي مما ذاد من ضيقي وهمي ولكن فعلا ربنا يجعل من بعد الضيق فرج عظيم والحمد لله في فترة صغيرة استطعت ان يكون لي زملاء وناس يحبوني ويحترموني بالاضافه الي انني ارعي ربي في عملي مما حبب في رؤسائي وهذا فضل من الله وعلي فكرة انا لا ابكي امام احد سوي الله يعني الكل ديما يراني سعيد ومبتسم وبضحك واهزر واوعوا تفتكروا ان الانسان عندما يكون مرح امام الناس انه انسان مهرج ومعندوش هموم لكن التجارب بالنسبة ليه اثبتت ان اكثر الناس حزنا اكثرهم ابتهاجا وسرورا امام الناس

4_متى تشعر بأن الحياة جميلة؟

عندما اجد الناس في خير وحب وسعادة والكل راضي بما قسمه الله له
وعندما يكون لكي اصدقاء يسالون عليك ويحبونك في الله
وعندما يكون فيه ناس مثلك في المنتدي
علي فكرة السطر الاخير مجاملة وليس نفاق
ملحوظه
يمكن يكون في اجاباتي نازع ديني ولكن هذا فعلا من فضل الله علي ولانه الوحيد الذي الجأ له في حل مشاكلي وفعلا مفيش مرة لجات لله وخذلني والحمد لله
لكني انسان عادي جدا وشخصية مرحة ويعلم ذلك كل من يعرفني وكمان اذنب واستغفر اعصي ربي واتوب الية ولست ملاكا لان مفيش انسان معصوم من الخطأولكني احاول ان ارضي ربي و فيه حديث ومعرفش بصراحه صدق الحديث من عدمه ان الله قال في حديثه القدسي لولا تذنبون وتستغفرون لذهبت بكم واتيت بقوم غيركم يذنبون ويستغفرون
لو الحديث صحيح يا ريت اعرف لاني اسمعه ولكني لم اقرأه نهائيا
وانا بصراحه يا ضي القمر اشكرك علي مشاركتك الفعاله وشكرا علي اسئلتك الجميلة وبصراحه مش عارف بتجيبي الاسئله الحلوة دية منين اوعي تكوني بتشتريها من عند فتحي بكري

وكل عام وانتي من الله اقرب وعلي طاعته ادوم

والسلام عليكم ورحمة الله وبركاته

وعليكم السلام ورحمة الله وبركاته

انا اسف يا مارو
لان ظروف شغلي تجعلني اتاخر في الرد شوية

س1:ما اكثر شيء يحيرك في أمور الدنيا؟

اكتر شئ في هذه الدنيا يحيرني ان الاخ يخسر اخوه من اجل المال وكل اخ يطمع ما عند الاخر ولا تجد الحب بينهما وعدم رضاهم بما قسمه الله لان الله جعل الناس فوق بعض درجات

ونسوا انهم اخوات واين حق الاخ علي اخوة ولو اخي محتاج ليش ما اعطية واساعده بدلا من ان احارب للاسف الكل في الزمن ده بينسي انه فاني ومش قاعد والاخ اللي ظلم اخوة ربنا لا يبارك له وينصر اخوة وربنا بيعوض الاخ المظلوم في اولادة وماله وهناك قصص وعبر كثيرة وكنا نستعجب انا الناس في هذا الزمن يحاربون من اجل الماده ولكن عجب العجاب ان يحاول الاخ حرمان اخوة من اي حق .... ومش عاوز اطول اكتر من كده لان الموضوع به كلام كثير

ولكن هذه نقطة فعلا تحيرني متي يكون الاخ واخوة يد واحده مثل ايام زمان ؟

( ويؤثرون علي انفسهم ولو كان بينهم خصاصا )

س2: مارأيك بمقولة(أذا دخل الفقر من الباب هرب الحب من الشباك)بالنسبه ليك؟

كان نفسي اكتب لا تعلق
ولكني عودتكم علي الصراحه
بالنسبة لي مقولة صحيحة ولكن صوابعك مش زي بعضها لان الانسان لو بيحب بجد يتمسك بحبيبة وفيه ناس كتير فعلا بتتمسك بالحب ده لكن في الزمن ده اللي ما يعلم بيه الا ربنا صعب جدا الحب يستمر لان البنت صحيح بتحب لكن بتفكر في الزواج اول لما يتقدم لها انسان جاهز ومستعد فعلا للزواج ودية طبعا صعوبة ولكن المستحيل هو ان تحب بنت من نفس عمرك لان عندما تريد ان تفكر في الزواج اكيد هتكون هيه تزوجت وخلفت وانصح الشباب ان يتقوا الله وان لا ياذنوا لقلوبهم بالحب الا في الوقت المناسب الذين يكونون فعلا مستعدين للزواجان يتعلموا من اخطأ غيرهم ( وادخلوا البيوت من ابوابها )

س3:ما رأيك الشخصى فى الخيانة فى الحب؟

سؤال جميل وهجاوبك عليه غدا لانه فيه كلام كتير

اراك غدا باذن الله

من طرف ضى القمر الإثنين 22 أكتوبر 2007, 2:16 am

لا والله الاسئلة دى من عندى انا وفيه غيرها

على فكرة انا عرفه حضرتك وعرفه كمان أخت حضرت كويس أوى وبدون ذكر اسمها
المهم ممكن أسأل تانى
1-هل أنت تندم على تجربة السفر واذا كان نعم وهو ده الواضح من الكلام فما هو الحل البديل بالنسبة لحضرتك؟
2_أكيد أى انسان بيستفيد من أى شئ يجد فى حياته فممكن تعرفنه اه هى الاستفادة؟
3-هل تنوى أن تشتغل بالمؤهل بتاعك بعد العودة؟
4-هل هذا المنتدى هون عليك مرارة العمل فى الخارج؟وكيف تشعر وانت تقرأ ما يكتب؟
والسلام عليكم ورحمة الله

من طرف **Mohamed Hamada** الإثنين 22 أكتوبر 2007, 2:35 am

شكرا على ردودك الجميلة يا استاذ احمد

وانا مش هسألك دلوقتى لانى عارف مشغولياتك

وكفاية عليك ترد على أسئلة الاخت ضى القمر

فهى فعلا اسئلة كويسة وليست اسئلة تقليدية

وفقك الله واعانك على غربتك

من طرف **admin** الإثنين 22 أكتوبر 2007, 2:41 am

أعضاء منتدانا الكرام استثناء لقواعد اللعبة وبعد اذن السيد الفاضل أحمد سليم سيكون العضو القادم بعد الأستاذ / أحمد سليم --- الدكتور / مجدى عبد المؤمن دوام ضيفا عزيزا على كرسى الاعتراف ليجيب عن جميع استفساراتكم وأسئلتكم التى ترغبون فى طرحهــا .

وشكرا لحضراتكم

ملاحظة

لن يتم استضافة السيد الدكتور / مجدى عبد المؤمن

رئيس مجلس ادارة مركز شباب الحصة الا بعد انتهاء الأستاذ : أحمد من جميع الأسئلة الموجهة اليه .

انا اسف يابوحميدعلى التأخير
واسمح لى ادردش معاك شوية

ما سبب نبرة الحزن الى ترتسم ونظهر فى اجاباتك على بعض الاسئلة؟
ما اهم الدروس النى تعلمتها من الغربة؟وهل تشعر بتغير فى طباعك نتيجةالحياة الجديدة عليك؟
لو اتيحت لك الفرصة اختيار عمل قيادى ماذا تحب ان يكون؟وماذا تريد ان تفعل به؟

من طرف ضى القمر الإثنين 22 أكتوبر 2007, 3:29 am

أهلا بالدكتورمجدى دكتور فى اللغة العربية

كلية دار علوم

ياسلام بس يفضى لينا عشان نسأله بقى

من طرف Midooo الإثنين 22 أكتوبر 2007, 4:34 am

تحياتى اليك يا استاذ احمد واحب اسئل حضرتك

س1/ ما هى الحكمة التى لا تنساه وتعتبرها اغلى حكمة عرفتها ومتاثر بيها وبتحاول تطبقها دايما ؟؟

س2/ ماهو اكثر شئ يضايقك فى حياتك ؟وما هو الشئ الذى ندمت على تركه ولم تفعله ؟

س 3 / كثيرا منا يندم علي قرارت ومواقف مرننا به فاذا رجعت بيك السنين الي الخلف ماذا كنت تختار حياتك ؟